Գերմանացի պատմաբանը Ռուսաստանի և ՆԱՏՕ-ի միջև առաջիկա երեք տարիների ընթացքում բախում է կանխատեսել

Գերմանացի ռազմական պատմաբան Սյոնկե Նեյցելի խոսքերով՝ կանխատեսելի ապագայում կարող է տեղի ունենալ Ռուսաստանի և ՆԱՏՕ-ի միջև ուղղակի ռազմական բախում։

«Առաջիկա երեք տարիների ընթացքում կարող է տեղի ունենալ Ռուսաստանի և ՆԱՏՕ-ի զորքերի միջև ռազմական բախում։ Եվ լիովին հնարավոր է, որ մեր զորքերը ստիպված լինեն կռվել Լիտվայում։ Հաջորդ տարի, դրա հաջորդ տարի կամ երեք տարի անց՝ ո՞վ գիտի։ Բայց վտանգը գոյություն ունի», - հայտարարել է Նեյցելը։

Փորձագետը կոչ է արել Բեռլինին ավելի շատ ներդրումներ կատարել հակաօդային պաշտպանության համակարգերի մեջ։