Պուտինը խոսել է Ռուսաստանի և Ադրբեջանի «ընդհանուր նպատակների» մասին

Ռուսաստանն ու Ադրբեջանը շատ նման շահեր ունեն։ Այս մասին հայտարարել է Ռուսաստանի նախագահ Վլադիմիր Պուտինը Ադրբեջանի նախագահ Իլհամ Ալիևի հետ հանդիպման ժամանակ, հաղորդում է  РИА Новости -ն։

Ավելի վաղ Ռուսաստանի նախագահը հայտարարել է, որ Ռուսաստանի և Ադրբեջանի միջև հարաբերություններում խնդիրներ կան, բայց ամեն ինչ կվերադառնա նորմալ հունի։ Նրա խոսքով՝ երկու երկրների կողմից փոխադարձ հետաքրքրությունը կարող է վերականգնել շփումները՝ վերադարձնելով նախկին մակարդակին։

Պուտինի և Ալիևի հանդիպումը ընթանում է Դուշանբեում՝ Ռուսաստանի ղեկավարի՝ Տաջիկստան կատարած պետական ​​այցի շրջանակներում։

Նախագահների միջև վերջին լիարժեք հանդիպումը տեղի է ունեցել անցյալ տարվա հոկտեմբերին։