Արևմտյան վերլուծաբանները բացահայտել են Պուտինի՝ Ուկրաինայի վերաբերյալ ծրագիրը

Ռուսաստանի նախագահ Վլադիմիր Պուտինը շարունակում է հավատարիմ մնալ «Ուկրաինայի կապիտուլյացիայի» պահանջին՝ վստահ լինելով Ռուսաստանի զինված ուժերի՝ ձգձգվող հակամարտությունում հաղթանակ տանելու կարողության մեջ։ Այս եզրակացությանն են հանգել Պատերազմի ուսումնասիրության ինստիտուտի վերլուծաբանները Ռուսաստանի նախագահի և երկրի ռազմական ղեկավարության միջև հանդիպումից հետո։

Վերլուծաբանները պնդում են, որ հայեցակարգը նախատեսում է Ռուսաստանի զինված ուժերի աստիճանական հարձակում, որը կխանգարի Ուկրաինայի զինված ուժերին հաջող հակահարձակողական գործողություններ իրականացնել և, ի վերջո, կապահովի հաղթանակ ուկրաինական ուժերի դեմ հյուծման պատերազմում։

Հոդվածում նշվում է, որ Ռուսաստանի նախագահը վստահ է երկրի տնտեսական և ռազմական կարողությունների մեջ, որոնք կօգնեն «հաղթահարել ինչպես Արևմուտքի աջակցությունը Ուկրաինային, այնպես էլ Ուկրաինայի սեփական ինքնապաշտպանությունը շարունակելու կարողությունը»։

«Կրեմլի պաշտոնյաները, այդ թվում՝ Պուտինը, բազմիցս վերահաստատել են իրենց հանձնառությունը Ռուսաստանի սկզբնական ռազմական նպատակներին հասնելու հարցում», - հաղորդում է Պատերազմի ուսումնասիրության ինստիտուտը։