Բժիշկները փրկել են մի երեխայի, որի գլուխը բաժանվել էր ողնաշարից ավտովթարի հետևանքով. Մեքսիկա

 

Մեքսիկայում արձակուրդի ժամանակ ընտանիքը, որի կազմում կային մի քանի երեխաներ, ավտովթարի է ենթարկվել։ Դրա հետևանքով երկու տարեկան Օլիվեր Սթաուբի գլուխը անջատվել է ողնաշարից և ողնուղեղից։ Այս մասին հաղորդում է Euromedia24.com-ը՝ People պարբերականին հղումով։

 

Ընտանիքը վթարի է ենթարկվել բեռնատարի պատճառով, որը բախվել է նրանց մեքենային։ Վթարի արդյունքում Օլիվերի մայրը, ով ղեկին էր, ստացել է գանգուղեղային վնասվածք և ձեռքերի վնասվածքներ։ Ընտանիքի հայրը կոտրել է իր կողերը, իսկ Օլիվերի հինգ տարեկան եղբայրը ճակատային թեթև վնասվածք է ստացել։ Նրա խոսքերով՝ վթարից հետո երկու տարեկան տղայի գլուխը, որը գտնվում էր մանկական նստարանի մեջ, անհասկանալի դիրք էր ընդունել։ հիվանդանոցում բժիշկները հայտարարել են, որ երեխան ստացել է կյանքի հետ անհամատեղելի վնասվածքներ։

 

Սակայն երեխան հրաշքով ողջ է մնացել։ Բժիշկները որոշել են կատարել վտանգավոր վիրահատություն, որը հաջողությամբ է անցել։ Տղան կրկին կկարողանա շարժել իր ոտքերն ու ձեռքերը։ Բժիշկները սա անվանել են աննախադեպ դեպք։