Նոր պապ Լեոն քննադատել է Թրամփի քաղաքականությունը՝ իր առաջին հիմնական ուղերձում

Հռոմի Պապ Լեո XIV-ը իր առաջին կարևոր փաստաթղթում՝ հինգշաբթի հրապարակված 104 էջանոց ապոստոլական հորդորում, կոչ է արել աշխարհին աջակցել ներգաղթյալներին և վերանայել գլոբալ շուկայական համակարգը՝ աճող անհավասարությունը հաղթահարելու համար։ Փաստաթուղթը, որը սկսել էր դեռևս հանգուցյալ Պապ Ֆրանցիսկոսը մինչև իր մահը 2025-ի ապրիլին, ավարտվել է Լեոյի կողմից՝ դառնալով նրա պոնտիֆիկատի մեկնարկային ուղերձը։

Նոր պապը փաստաթղթում ընդգծել է, որ «Եկեղեցին, ինչպես մայրն է, ուղեկցում է նրանց, ովքեր ճանապարհի վրա են»՝ հավելելով, որ «յուրաքանչյուր մերժված միգրանտի մեջ Քրիստոսն է, ով թակում է համայնքի դուռը»։ Նա նաև հղում է արել Ֆրանցիսկոսի 2016-ի քննադատությանը՝ նշելով․ «Այնտեղ, որտեղ աշխարհը կառուցում է պատեր, Եկեղեցին կառուցում է կամուրջներ»։ Այս ձևակերպումն ընկալվել է որպես ուղիղ քննադատություն Դոնալդ Թրամփի՝ ԱՄՆ–Մեքսիկա սահմանին պատ կառուցելու ծրագրին։

Լեոն զգուշացրել է, որ եթե հասարակությունները շարունակեն անտեսել աղքատներին ու բարոյական արժանապատվությունը, աշխարհը «կվերածվի կեղտաջրերի փոսի»։ Նա քննադատել է նաև «թափվող» տնտեսագիտական մոտեցումները՝ ընդգծելով, որ շուկայական ուժերի սպասումը միայն խորացնում է անհավասարությունը։ Նոր պապը փաստաթղթում կոչ է արել քրիստոնյաներին հակազդել նյութապաշտությանը՝ նշելով, որ «հարստության կուտակումը երջանկություն չի բերում, այլ միայն բաժանում մարդկանց»։