Բելգիայում կանխել են վարչապետի և այլ քաղաքական գործիչների դեմ մահափորձը
Աշխարհ
Բելգիայի իշխանությունները հինգշաբթի օրը հայտարարել են, որ կանխել են վարչապետ Բարտ Դը Վեվերի դեմ մահափորձը։
Հաղորդվում է, որ հարձակումներ էին ծրագրվել նաև այլ բելգիացի քաղաքական գործիչների դեմ։ Փոխվարչապետ և արտաքին գործերի նախարար Մաքսիմ Պրևոն տեղեկությունը անվանել է «չափազանց ցնցող»։ «Սա ընդգծում է, որ մենք բախվում ենք ահաբեկչության իրական սպառնալիքի հետ, և պետք է զգոն մնալ», - գրել է Պրևոն X սոցիալական ցանցում։
Բելգիայի դատախազությունը հայտարարել է գործի հետ կապված երեք ձերբակալության մասին։ AFP-ն հաղորդում է, որ նրանք ցանկանում էին սպանություններն իրականացնել անօդաչու թռչող սարքի միջոցով։
Տղամարդիկ ձերբակալվել են Անտվերպենում: Դաշնային դատախազ Անն Ֆրանսենը գործակալությանը հայտնել է, որ ձերբակալվածները փորձում էին ահաբեկչական հարձակում իրականացնել «ջիհադիստական դրդապատճառներով»: Նա ասել է, որ կասկածյալները ծրագրել էին ստեղծել անօդաչու թռչող սարք, որին կարող էին ամրացնել պայթուցիկ սարք: Խուզարկության ժամանակ կասկածյալներից մեկի մոտ հայտնաբերվել է ինքնաշեն ռումբ: Ոստիկանությունը երկրորդ կասկածյալի տանը հայտնաբերել է 3D տպիչ: Իրավապահ մարմինների խոսքով՝ ձերբակալվածները մտադիր էին այն օգտագործել անօդաչու թռչող սարքի մասեր ստեղծելու համար:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
