Բաքուն ազատ է արձակել «Սպուտնիկ Ադրբեջան»–ի գործադիր տնօրենին

Բաքվում ձերբակալված՝ «Սպուտնիկ Ադրբեջան»-ի գործադիր տնօրեն Իգոր Կարտավիխն ազատ է արձակվել։ Այս մասին «Կոմերսանտին» հայտնել է Ռուսաստանի նախագահի օգնական Յուրի Ուշակովը։ Մոսկվան, իր հերթին, ազատ է արձակել Ռուսաստանում ձերբակալված Ադրբեջանի քաղաքացիներից մեկին։

Ուշակովը նշել է, որ բանակցությունները հիմնականում տեղի են ունեցել նախագահի օգնականների մակարդակով։ Հայտարարության մեջ նշվում է, որ որոշումը կայացվել է Վլադիմիր Պուտինի և Իլհամ Ալիևի՝ Դուշանբեում կայացած հանդիպման նախօրեին։