Բունդեսթագում հայտնել են դրոնների դեմ պայքարի գլխավոր խոչընդոտը

Ներքին անվտանգության ապահովման համար Բունդեսվերի գործարկման արգելքը, որը Սահմանադրության մեջ մտցվել Է Երկրորդ համաշխարհային պատերազմից հետո, խանգարում է գերմանական իշխանություններին արդյունավետորեն հակազդել ԱԹՍՍ-ներին: Այս մասին Politico պարբերականին հայտնել է Բունդեսթագի պաշտպանության կոմիտեի նախագահ Թոմաս Ռեբեկամպը։

«Մենք պետք է փոփոխություններ կատարենք օրենքներում, որպեսզի նրանք, ովքեր կարող են ուղղակիորեն զբաղվել ԱԹՍ-ների դեմ պայքարի հարցով, ներառյալ Բունդեսվերը, նույնպես ունենան նման լիազորություններ», - նշել է պաշտպանության կոմիտեի նախագահը:

Ըստ հոդվածի՝ Գերմանիան իրավունք ունի իր տարածքում զորքեր օգտագործել լայնամասշտաբ զինված ներխուժման դեպքում: Բունդեսվերին, որն ունի բավարար տեխնիկական հնարավորություններ, թույլատրվում է ԱԹՍ-ներ խոցել միայն ռազմական օբյեկտների վրա: Գերմանիայի Սահմանադրությունը, կարծում է Ռեբեկամպը, «անհրաժեշտ է հարմարեցնել իրականությանը»։