Նոբելյան խաղաղության մրցանակը կշնորհվի Վենեսուելայի ընդդիմության առաջնորդ Մարիա Մաչադոյին

Վենեսուելացի քաղաքական գործիչ, ակտիվիստ և ընդդիմության առաջնորդ Մարիա Կորինա Մաչադոն 2025 թվականի Նոբելյան խաղաղության մրցանակի դափնեկիր է ճանաչվել՝ «Վենեսուելայի ժողովրդի ժողովրդավարական իրավունքները առաջ մղելու իր անխոնջ աշխատանքի և բռնապետությունից ժողովրդավարության արդար և խաղաղ անցման հասնելու իր պայքարի համար»։ Նա կստանա 11 միլիոն շվեդական կրոն (մոտավորապես 1,2 միլիոն դոլար), հաղորդում է BBC-ն։

Նոբելյան խաղաղության մրցանակը շնորհվում է «նրանց, ովքեր հասել են ամենամեծ հաջողությունների կամ ամենամեծ ջանքերն են գործադրել ազգերի միասնության և գործող բանակների կրճատման խթանման, ինչպես նաև խաղաղության համաժողովներ անցկացնելու և դրանց վրա ուշադրություն հրավիրելու համար»։

Ալֆրեդ Նոբելի կտակի համաձայն՝ Խաղաղության մրցանակի դափնեկիրներն ընտրվում են ոչ թե Շվեդիայում, այլ Նորվեգիայում՝ երկրի խորհրդարանի կողմից նշանակված հինգ անդամից բաղկացած նորվեգական կոմիտեի կողմից։ Այս տարի մրցանակի համար առաջադրվել է 338 թեկնածու (244 անհատ և 94 կազմակերպություն), այդ թվում՝ ԱՄՆ նախագահ Դոնալդ Թրամփը։