Թայվանը Չինաստանի կողմից սպառնալիքների ֆոնին՝ մտադիր է ուժեղացնել օդային պաշտպանությունը

Թայվանը կկառուցի գմբեթաձև հակաօդային պաշտպանության համակարգ՝ «թշնամական սպառնալիքներից» պաշտպանվելու համար։ BBC-ի հաղորդմամբ՝ Թայվանի վարչապետ Ուիլյամ Լայը այս մասին հայտարարել է Թայվանի կառավարության կողմից կղզու վրա Չինաստանի կողմից հարձակման հնարավորությունների աճի վերաբերյալ նախազգուշացումներից հետո։

«Լայը չի հիշատակել Չինաստանին, սակայն Պեկինը Թայվանը համարում է իրենը և չի բացառել ուժի կիրառումը այն գրավելու համար», -նշվում է հաղորդագրության մեջ։

Լայը նաև նշել է, որ կա «հստակ անհրաժեշտություն»՝ ավելացնելու ծախսերը։ Սա, հավանաբար, պայմանավորված է Չինաստանի կողմից Թայվանի ջրեր և օդային տարածք ներխուժումների աճով, այդ թվում՝ ներխուժման մոդելավորմամբ անցկացվող ռազմական վարժանքներով։

Վարչապետը հայտարարել է, որ Թայվանը հաջորդ տարի կբարձրացնի իր պաշտպանական ծախսերը մինչև իր համախառն ներքին արդյունքի ավելի քան 3%-ը և մինչև 2030 թվականը՝ մինչև 5%-ը։