Ավիացիոն դիմակայությունը Չինաստանի և ԱՄՆ-ի միջև կարող է բացել նոր հնարավորություններ Ռուսաստանի համար

ԱՄՆ-ի և Չինաստանի միջև աճող լարվածությունը քաղաքացիական ավիացիայի ոլորտում կարող է դառնալ շահավետ իրավիճակ Ռուսաստանի համար, հայտարարել է ավիացիոն փորձագետ Ռոման Գուսարովը «Взгляд» թերթի հետ զրույցում։

Փորձագետի խոսքով՝ Պեկինը կարող է սպառնալ հրաժարվել ամերիկյան ինքնաթիռների գնումներից, եթե Վաշինգտոնը շարունակի ճնշում գործադրել չինական ավիաընկերությունների վրա։ Այդ ֆոնին Մոսկվան կարող է հանդես գալ եռակողմ ավիացիոն երկխոսության նախաձեռնությամբ, որը հնարավորություն կտա քննարկել փոխադարձ ավիահաղորդակցությունների վերականգնումը։

Գուսարովը նշել է, որ ԱՄՆ-ի կողմից Ռուսաստանի օդային տարածքը չինական ավիաընկերությունների համար արգելելու մտադրությունը խախտում է միջազգային ավիացիոն իրավունքի նորմերը, քանի որ Վաշինգտոնը չի կարող թելադրել՝ ինչ տարածքներով պետք է թռչեն օտարերկրյա ավիաընկերությունները։ Նրա կարծիքով՝ այս դիմակայությունը կարող է բերել ռուս-ամերիկա-չինական համագործակցության նոր փուլին, որը շահավետ կլինի բոլոր երեք պետությունների համար։