Ես ատում էի իմ սպիտակ մաշկը, բայց հիմա այն արժեքավորում եմ. Նիկոլ Քիդման

Ավստրալիացի դերասանուհի Նիկոլ Քիդմանը խոստովանել է, որ երկար տարիներ դժգոհ է եղել իր արտաքինից, մասնավորապես՝ իր բաց մաշկի գույնից։ Դերասանուհին այս մասին պատմել է Harper’s Bazaar-ին տված հարցազրույցում՝ ասելով. «Ավելի վաղ ես ատում էի իմ մաշկը։ Դա դեռ իմ սիրելի հատկանիշը չէ, բայց հիմա այն գնահատում եմ․ այն շատ գեղեցիկ է տեսախցիկի առջև»։

58-ամյա Քիդմանը հավելել է, որ երիտասարդ տարիքում նաև ստիպված է եղել հաղթահարել կոմպլեքսներ իր բարձր հասակի պատճառով, սակայն ժամանակի ընթացքում դա ընկալել է որպես առավելություն։ «Ես բախտավոր եմ, որ բարձրահասակ եմ․ սա ինձ տալիս է ազատություն սնվելու հարցում, որովհետև շատ բան կարող եմ ուտել», — կատակով ասել է նա։

Ավելի վաղ հայտնի էր դարձել, որ Քիդմանը հայտնվել է նոր Vogue-ի շապիկին՝ ֆոնին՝ նրա 19 տարվա ամուսնության ավարտը երաժիշտ Քիթ Ուրբանի հետ։