Ռուսաստանը շուտով նոր զենք կունենա, ինչպես խոստացել էինք․ Պուտին

Մոտ ժամանակներս Ռուսաստանը կունենա նոր զենք, ինչպես և խոստացել էինք, դրա փորձարկումները հաջող են ընթանում։ Այս մասին հայտարարել է ՌԴ նախագահ Վլադիմիր Պուտինը, փոխանցում է EADaily-ն։

«Կարծում եմ՝ մենք հնարավորություն կունենանք առաջիկայում հայտնել նոր զենքի մասին, ինչպես և խոստացել էինք», - ասել է Ռուսաստանի ղեկավարը։ Նա չի մանրամասնել՝ ինչ զինատեսակների մասին է խոսքը, բայց ընդգծել է՝ միջմայրցամաքային բաղադրիչի վերաբերյալ ծովում և օդում Ռուսաստանի սպառազինության նորությունն ու արդիականությունը «շատ բարձր մակարդակի վրա է»:

«Միջուկային զսպման մեր միջոցների նորույթն ավելի բարձր է, քան ցանկացած այլ միջուկային պետության։ Եվ մենք այդ ամենը զարգացնում ենք շատ ակտիվ։ Այն, ինչ ես ասել եմ նախկին ժամանակներում, նախկին տարիներին, այդ ամենը զարգանում է», - նշել է ՌԴ նախագահը։