Նավթի համաշխարհային գները հասել են հունիսից ի վեր ամենացածր մակարդակին

Brent տեսակի հյուսիսծովյան նավթի գինը իջել է մինչև 63,3 դոլար՝ մեկ բարելի դիմաց, ինչը ամենացածր ցուցանիշն է այս տարվա հունիսի 2-ից ի վեր։ Տվյալները հրապարակել է Լոնդոնի ICE բորսան։

Տոկսումների ընթացքում՝ հոկտեմբերի 10-ին, դեկտեմբերի ֆյուչերսների գինը նվազել է մոտ 1,9 դոլարով կամ 2,9%-ով, ինչը վկայում է շուկայի շարունակական անկման միտման մասին։

Փորձագետները գների անկումը կապում են համաշխարհային առաջարկի ավելացման և պահանջարկի թուլացման հետ։ ՕՊԵԿ+ դաշինքի ութ երկրներ համաձայնեցրել են նոյեմբերից ավելացնել օրական նավթի արդյունահանումը ևս 137 հազար բարելով, ինչը կարող է ավելցուկ առաջացնել շուկայում։
Բացի այդ, ԱՄՆ-ի ներմուծման մաքսատուրքերի կոշտացումը և արդյունաբերական ակտիվության անկումը Չինաստանում նույնպես ազդում են նավթի պահանջարկի վրա՝ խթանելով գների հետագա նվազումը։