Զելենսկին՝ ԱՄՆ-ին․ «Կիևը ներկայացրել է մի քանի ուժեղ պաշտպանական համաձայնագրեր»

Ուկրաինայի նախագահ Վլադիմիր Զելենսկին հայտնել է, որ Կիևը ԱՄՆ-ին առաջարկել է մի շարք նոր պաշտպանական համաձայնագրեր, որոնք, նրա խոսքով, կարող են ուժեղացնել երկու երկրների համագործակցությունը և բարձրացնել երկխոսության մակարդակը։

«Մենք առաջարկել ենք Ամերիկային մի քանի ուժեղ պաշտպանական համաձայնագրեր, որոնք կարող են ամրապնդել մեր երկու պետությունները և դարձնել մեր համագործակցությունը առավել բովանդակային», — գրել է Զելենսկին իր Telegram ալիքում։

Նրա խոսքով՝ ներկայումս պատրաստվում է ուկրաինական պատվիրակության այցը Վաշինգտոն, որի կազմում կլինեն վարչապետ Յուլիա Սվիրիդենկոն, նախագահի աշխատակազմի ղեկավար Անդրեյ Երմակը, ինչպես նաև պաշտպանության և ազգային անվտանգության խորհրդի ներկայացուցիչներ։

Ավելի վաղ Զելենսկին հայտարարել էր, որ ռուսական բանակը հոկտեմբերի 10-ի գիշերը Ուկրաինայի ենթակառուցվածքի օբյեկտների վրա գործարկել է ավելի քան 450 ԱԹՍ և 30 հրթիռ, և ընդգծել է, որ Կիևը սպասում է Արևմուտքի խիստ արձագանքին։