Մոսկվայի վարորդներին զգուշացրել են՝ եվրոպական համարների տեղադրումը կարող է արժենալ մինչև կես միլիոն ռուբլի

Մոսկվայում մի շարք վարորդներ սկսել են փոխարինել իրենց ավտոմեքենաների ռուսական համարները եվրոպականով՝ փորձելով խուսափել քաղաքային կայանման վճարներից։ Ինչպես հայտնում է Shot Telegram ալիքը, այսպիսի գործողությունները համարվում են իրավախախտում և կարող են հանգեցնել խիստ պատժի։

Տեղեկությունների համաձայն՝ վարորդները նախ մեքենան կայանում են ռուսական համարներով, ապա տեղում դրանք փոխարինում են, օրինակ, գերմանական համարներով՝ իսկականը դնելով բեռնախցիկում կամ ավտոմեքենայի սրահում։ Այս եղանակով նրանք ամբողջ օրն օգտվում են «անվճար» կայանատեղից՝ դուրս մնալով մոնիթորինգային համակարգերի տեսադաշտից։ Քանի որ տվյալ ավտոմեքենաների համարները չեն գրանցված ռուսական բազայում, վարչական ծառայությունները չեն կարողանում նրանց ավտոմատ կերպով տուգանել կամ տարհանել։

Իրավապահ մարմինների տեղեկացմամբ՝ նման վարքագիծը դասվում է վարչական խախտումների շարքին և նախատեսում է մինչև 500 հազար ռուբլի տուգանք կամ վարորդական իրավունքների մեկ տարվա զրկում՝ համաձայն Ռուսաստանի վարչական օրենսգրքի 12.2 հոդվածի։ Shot-ի տվյալներով՝ նման «եվրոպական» համարները հաճախ գնվում են որպես «հուշանվեր», սակայն դրանց գործնական օգտագործումը համարվում է իրավախախտում։