ԱՄՆ-ում սկսվել են դաշնային ծառայողների զանգվածային կրճատումներ

Թրամփի վարչակազմը սկսել է դաշնային աշխատակիցների նախկինում հայտարարված կրճատումները՝ կառավարության շարունակվող փակման պատճառով, ուրբաթ օրը հայտարարել է Սպիտակ տան կառավարման և բյուջեի գրասենյակի տնօրեն Ռասել Վոութը։

«Աշխատուժի կրճատումները սկսվել են», — գրել է նա իր էջում X սոցիալական ցանցում։

Ավելի վաղ The Wall Street Journal-ը՝ հղում անելով իր աղբյուրներին, հայտնել էր, որ Հանրապետական կուսակցության կոնգրեսականների մի խումբ զգուշացրել է նախատեսվող կրճատումների հետևանքով հանրապետականների վարկանիշի հնարավոր անկման մասին՝ «անպաշտոնաբար խորհուրդ տալով» չանցկացնել զանգվածային ազատումներ։