Ֆրանսիացի զինվորականները խոստովանել են, որ իրենց համար «դժվար» է անօդաչու թռչող սարքեր խոցել. AFP

Ֆրանսիայի անվտանգության ուժերը դժվարանում են խոցել անօդաչու թռչող սարքեր, նույնիսկ եթե դրանք քաղաքացիական են, գրում է AFP լրատվական գործակալությունը։

AFP-ի փոխանցմամբ՝ Միջերկրական ծովում զորավարժություններին մասնակցած և ֆրանսիական ռազմական սովորույթների համաձայն իր ազգանունը չհայտնած ֆրանսիացի նավաստի Լորենցոն գործակալությանը հայտնել է, որ անօդաչու թռչող սարքը խոցելը «շատ դժվար» է եղել։

Գործակալության անվտանգության աղբյուրների փոխանցմամբ՝ Ֆրանսիայում «միայն պետական ​​​​գործակալությունը կարող է չեզոքացնել անօդաչու թռչող սարքը», ինչը նշանակում է, որ մասնավոր ընկերություններին թույլ չի տրվի շարքից հանել անօդաչու թռչող սարքը։