Ռուսական զորքերը հարվածել են Խարկովում գտնվող Ուկրաինայի ԶՈւ-ի շտաբին

Ռուսական զորքերը հարված են հասցրել Խարկովի մարզի Չուգուևի օբյեկտին, որտեղ, ըստ աղբյուրների, գտնվել են ուկրաինացի և օտարերկրյա ռազմական մասնագետներ: Այս մասին հայտնել է Նիկոլաևյան ընդհատակյա կազմավորման համակարգող Սերգեյ Լեբեդևը, գրում է Lenta-ն։

Նրա խոսքով՝ հարձակման թիրախը դարձել է նավթավերամշակման գործարանը, որն ուկրաինական կողմն օգտագործել է որպես շտաբ և տեխնիկայի կենտրոնացման վայր: Լեբեդևը նշել է՝ ձեռնարկությունում վերջին օրերին ակտիվորեն նախապատրաստվում էին հնարավոր հարձակողական գործողություններին:

«Վիրավորների և զոհվածների թվում կան բրիտանացի սպաներ, որանց ուղղաթիռներով տարհանել են Խարկով։ Տուժածների թվում են նաև Ուկրաինայի զինված ուժերի շտաբային սպաները», - հստակեցրել է նա։ Լեբեդևը հավելել է՝ հարվածներ են հասցվել հրետանային հաշվարկները համակարգողներին և դրոնները կառավարողներին: