Պակիստանը կոշտ պատասխան կտա Աֆղանստանի կողմից ցանկացած սադրանքի․ Շարիֆ

Պակիստանի վարչապետ Շահբազ Շարիֆը դատապարտել է Աֆղանստանի սադրիչ գործողությունները սահմանամերձ շրջաններում։

Երկրի վարչապետը հայտարարել է, որ Պակիստանի բանակը ոչնչացրել է մի քանի աֆղանական դիրքեր՝ ստիպելով թալիբներին նահանջել։

Շարիֆը ընդգծել է, որ ցանկացած հաջորդ սադրանքի ուժեղ և արդյունավետ պատասխան կտան՝ հավելելով, որ ահաբեկչական կազմակերպություններին աջակցում են Աֆղանստանում տեղակայված որոշակի ուժեր։

Նրա խոսքով՝ Իսլամաբադը հույս ունի, որ Աֆղանստանի կառավարությունը թույլ չի տա, որ իր տարածքը օգտագործվի Պակիստանն անկայունացնելու նպատակով։