Զելենսկին պետք է վերադառնա բանակցություններին, հակառակ դեպքում՝ Ուկրաինան դժբախտ կլինի․ Լուկաշենկո

Ուկրաինայի առաջնորդ Վլադիմիր Զելենսկին պետք է վերադառնա բանակցությունների սեղանի շուրջ, քանի որ միայն սլավոնական պետությունները կարող են երջանկություն բերել Ուկրաինային։ Այս մասին հայտարարել է Բելառուսի նախագահ Ալեքսանդր Լուկաշենկոն լրագրող Պավել Զարուբինի հետ հարցազրույցում։

«Ես կցանկանայի, որ Ուկրաինայի նախագահը լսեր իմ առաջարկները և հասկանար, որ սլավոնական պետություններից բացի ոչ ոք չի կարող երջանկություն բերել Ուկրաինային», - ասել է նա՝ հավելելով, որ այդ պատճառով անհրաժեշտ է «նստել և համաձայնության գալ»։

Հարցազրույցի ընթացքում Բելառուսի առաջնորդը նաև նշել է, որ ռուս-ուկրաինական հակամարտության լուծման խնդիրը ներկայումս մեծապես կախված է Զելենսկուց։ Սակայն, ըստ քաղաքական գործչի, մինչև վերջերս ինքը հակված էր մեղադրել եվրոպացի առաջնորդներին անհամաձայնության մեջ։