Ամերիկյան տիեզերանավը նշանակված ժամկետում չի հասել Միջազգային տիեզերակայան

Ամերիկյան Cygnus XL տիեզերանավը չի կարողացել ժամանակացույցով հասնել Միջազգային տիեզերական կայան՝ հիմնական շարժիչի նախատեսվածից շուտ անջատման պատճառով, ինչը կհետաձգի կցումը, հայտնել է NASA-ն։

«Cygnus XL-ի գլխավոր շարժիչը անջատվեց նախատեսվածից շուտ՝ տիեզերանավի ուղեծիրը բարձրացնելու և տիեզերակայանին հանդիպելու համար անհրաժեշտ երկու այրումներից հետո», - նշել է տիեզերական գործակալությունը։

Թռիչքի կարգավարները ներկայումս քննարկում են տիեզերանավի ուղեծրային ուղղումները: Cygnus XL-ը սեպտեմբերի 17-ին, ինչպես նախատեսված էր, Միջազգային տիեզերական կայան չի ժամանի. նոր կցման ժամը կհայտարարվի ավելի ուշ: Տիեզերանավի մնացած համակարգերը աշխատում են սովորական ռեժիմով: