ԱՄՆ-ն հայտարարել է, որ Ռուսաստանը Թուրքիայից գնել է S-400 համակարգեր

Ռուսաստանը, հնարավոր է, բանակցություններ է վարում Թուրքիայի հետ ռուսական արտադրության S-400 հակաօդային պաշտպանության հրթիռային համակարգեր գնելու շուրջ, հայտնում է ամերիկյան The National Interest (TNI) ամսագրի սյունակագիր Փիթեր Սուչուն՝ հղում անելով թուրքական լրատվամիջոցներին։

«S-400 համակարգերը, որոնք գործնականում անձեռնմխելի են մնացել 2017 թվականից ի վեր, կարող են թույլ տալ Ռուսաստանին արագ փոխարինել Ուկրաինայում ոչնչացված հրթիռային մարտկոցները և վերսկսել Թուրքիայի մասնակցությունը F-35 կործանիչների ծրագրին », - պնդում է հեղինակը։

Հոդվածագիրը նշում է, որ Թուրքիան, իբր, քաղաքական պատճառներով չի օգտագործում Ռուսաստանից նախկինում գնած S-400 համակարգերը և փոխարենը մշակում է իր սեփական «Չելիք Քուբբե» հակաօդային պաշտպանության համակարգը։ Հեղինակը նշում է, որ հենց S-400-ի ձեռքբերման պատճառով է, որ Թուրքիան բացառվել է ամերիկյան F-35 հինգերորդ սերնդի կործանիչների ծրագրից, քանի որ Վաշինգտոնը պնդում է, որ երկու հարթակներն անհամատեղելի են։