Եգիպտոսի նախագահը Թրամփին շքանշան կհանձնի
Աշխարհ
Եգիպտոսի նախագահ Աբդել Ֆաթթահ Ալ-Սիսին որոշել է իր ամերիկացի գործընկեր Դոնալդ Թրամփին հանձնել Նեղոսի շքանշանը՝ Արաբական Հանրապետությունում բարձրագույն պետական պարգևը, հայտնել է Եգիպտոսի առաջնորդի գրասենյակը: Այս մասին հաղորդում է RIA Novosti-ն։
«Նախագահ Աբդել Ֆաթթահ Ալ-Սիսին որոշել է ԱՄՆ նախագահին պարգևատրել Նեղոսի շքանշանով՝ ի նշան խաղաղ ջանքերին աջակցելու և հակամարտությունների կարգավորման գործում նրա ակնառու ավանդի ճանաչման, որոնցից վերջինը Գազայի գործում նրա առանցքային դերն է», – ասվում է գրասենյակի հայտարարության մեջ:
Ավելի վաղ Թրամփը հայտարարել էր՝ Իսրայելն ու ՀԱՄԱՍ-ը պայմանավորվածություն են ձեռք բերել Գազայի հատվածում հակամարտության կարգավորման խաղաղ ծրագրի առաջին փուլի իրականացման շուրջ: Առաջին փուլում ՀԱՄԱՍ-ը կազատի իսրայելցի պատանդներին, իսկ Իսրայելն իր զորքերը հետ կտանի մինչև համաձայնեցված գիծը և իսրայելական բանտերից ազատ կարձակի հարյուրավոր պաղեստինցիների, այդ թվում՝ ահաբեկչության համար ցմահ դատապարտվածների:


















































Ամենադիտված
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան