Լավրովը բացատրել է, թե ինչու Ռուսաստանը ներկայացված չէ Եգիպտոսում կայանալիք գագաթնաժողովին

Ռուսաստանը ներկա չէ Եգիպտոսում կայանալիք Գազայի հարցով գագաթնաժողովին, քանի որ հրավերներն ուղարկել է գագաթնաժողովի հյուրընկալող կողմը՝ Եգիպտոսի ղեկավարությունը, որը համակարգել է իր գործողությունները այլ արաբ նախաձեռնողների, բայց առաջին հերթին՝ Միացյալ Նահանգների հետ։ Այս մասին հայտարարել է ՌԴ արտաքին գործերի նախարար Սերգեյ Լավրովը՝ պատասխանելով լրագրողի հարցին, թե ինչու Ռուսաստանը ներկայացված չէ Եգիպտոսում կայանալիք գագաթնաժողովին, հաղորդում է «Կոմերսանտը»։

Միևնույն ժամանակ, նախարարը ընդգծել է, որ Մոսկվան պատրաստ է օգնել կարգավորման հարցերում, եթե գագաթնաժողովի մասնակիցները անհրաժեշտ համարեն ներգրավել ՌԴ–ին խաղաղության գործընթացում։

«Ռուսաստանը պատրաստ է մասնակցել ցանկացած ձևաչափով», - ասել է նախարարը։