Լավրովը հերքել է Մոսկվայում Սիրիայի նախկին նախագահ Ասադի թունավորման մասին տեղեկությունները

Ռուսաստանի մայրաքաղաքում Սիրիայի նախկին նախագահ Բաշար ալ-Ասադի թունավորման մասին տեղեկությունները չեն համապատասխանում իրականությանը։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը արաբական երկրներից լրագրողների հետ հանդիպման ժամանակ, հաղորդում է ՏԱՍՍ-ը։

Նրա խոսքով՝ հանրապետության նախկին ղեկավարը գտնվում է Մոսկվայում մարդասիրական պատճառներով։ Ռուսաստանի ղեկավարությունը Ասադին և նրա ընտանիքին ապաստան է տրամադրել, քանի որ նրանք ֆիզիկական բռնության են ենթարկվել։

Դիվանագետը նաև ասել է, որ Սիրիայի նախկին նախագահը Ռուսաստանի մայրաքաղաքում որևէ խնդրի չի հանդիպել։

«Թունավորումներ տեղի չեն ունեցել։ Եթե նման լուրեր հայտնվեն, ես դրանք թողնում եմ նրանց խղճին, ովքեր դրանք տարածել են», - հավելել է Լավրովը։