Պակիստանը ուժեղացված պատրաստության է բերել զորքերը Աֆղանստանի հետ սահմանին
Աշխարհ
Անցած շաբաթվա վերջին իսլամական հանրապետության տարբեր սահմանամերձ նահանգներում տեղի ունեցած զինված բախումներից հետո Պակիստանը զորքերը բարձր մարտունակության է բերել Աֆղանստանի հետ սահմանին: Ինչպես հաղորդում Է Reuters գործակալությունը՝ վկայակոչելով Պակիստանի անվտանգության ուժերին, երկու երկրների միջև սահմանի բոլոր անցումները, որոնց երկարությունը կազմում է 2 600 կմ, փակվել են, ամբողջությամբ դադարեցվել է անդրսահմանային առևտուրը:
«Բոլոր անցակետերը փակ են շաբաթ օրվանից՝ Աֆղանստանի կողմից չհրահրված հարձակումներից հետո։ Բոլոր անցակետերը փակ են» - հստակեցրել են զրուցակիցները: «Հոկտեմբերի 12-ի երեկոյան մի քանի փոխհրաձգություն է տեղի ունեցել, սակայն ընդհանուր առմամբ իրավիճակը հանգիստ է եղել», - հայտնել է աղբյուրը։
Աֆղանստանի պաշտպանական գերատեսչության ներկայացուցիչ Էնայաթուլլա Հովարազմին գործակալությանը հաստատել է, որ այժմ սահմանին իրավիճակը շարունակում է նորմալ մնալ: «Եթե պակիստանյան կողմը կրկին խախտի Աֆղանստանի տարածքային ամբողջականությունը, մեր զինված ուժերը լիովին պատրաստ են պաշտպանել երկրի սահմանները և վճռական պատասխան կտան», - ընդգծել է պաշտպանական գերատեսչության ներկայացուցիչը:
ՈՒՂԻՂ ԵԹԵՐ
Ամենադիտված 
Երբ կմեկնարկի փետրվար ամսվա կենսաթոշակների վճարումը
