Apple-ը պատրաստվում է ներկայացնել նոր iPad Pro և Vision Pro՝ M5 չիպով

Bloomberg-ի հաղորդմամբ՝ տեխնոլոգիական հսկա Apple-ը այս շաբաթ կներկայացնի մի շարք նոր սարքեր՝ ներառյալ iPad Pro և Vision Pro՝ նոր սերնդի M5 չիպով։ Լրագրող Մարկ Գուրմանի տվյալներով՝ թողարկումը նախատեսված է արդեն առաջիկա օրերին։

Բացի դրանից, հնարավոր է, որ ընկերությունը ներկայացնի նաև MacBook Pro՝ նույն M5 պրոցեսորով, սակայն առանց հատուկ միջոցառման․ Apple-ը պարզապես կթարմացնի իր կայքը և կհրապարակի մամուլի հաղորդագրություն։ Ըստ աղբյուրի, նոր սարքերը կներկայացվեն մեկ շաբաթվա ընթացքում, բայց տարբեր օրերով։

Գուրմանն ավելացրել է, որ ընկերությունը պատրաստում է նաև HomePod mini, Apple TV և AirTag նոր տարբերակների թողարկում, որոնք սպասվում են 2026 թվականի սկզբին։ Իսկ հաջորդ տարվա առաջին կեսին Apple-ը կներկայացնի iPad՝ A18 չիպով, iPad Air՝ M4 պրոցեսորով, երկու նոր Mac մոնիտոր և iPhone 17e մոդելը։