Մադագասկարի նախագահն ինքնաթիռով փախել է երկրից

Մադագասկարի նախագահ Անդրի Ռաջոելինան ֆրանսիական ռազմական ինքնաթիռով փախել է երկրից, հաղորդում է RFI ռադիոկայանը՝ հղում անելով տեղեկացված աղբյուրներին։

Ավելի վաղ Jeune Afrique թերթը, հղում անելով աղբյուրներին, հաղորդել էր, որ Ռաջոելինան լքել է Անտանանարիվուն բողոքի ցույցերի ֆոնին։ Այդ ժամանակ նախագահի գրասենյակը հերքել էր տեղեկությունը՝ այն անվանելով ասեկոսե։ Սակայն երկուշաբթի առավոտյան Հանրության անվտանգության հարցերով նախարարությունը Reuters-ին հայտնել է, որ նախագահի գտնվելու վայրը անհայտ է։

RFI-ի տվյալներով՝ կիրակի օրը ուղղաթիռը Ռաջոելինային հասցրել է Մադագասկարի արևելյան ափին գտնվող Սեն-Մարի կղզի։ Այնտեղից նա նստել է ֆրանսիական ռազմական ինքնաթիռ և մեկնել Ռեյունյոն կղզու ֆրանսիական տարածք, որտեղից նա և իր ընտանիքը մեկնել են Մավրիկիոս կամ Դուբայ (ԱՄԷ)։

Աղբյուրները հայտնում են, որ Մադագասկարի առաջնորդի տարհանումը թույլատրվել է Ֆրանսիայի նախագահ Էմանուել Մակրոնի կողմից՝ իշխանության խաղաղ անցումն ապահովելու համար։ Սակայն Փարիզը վճռականորեն հայտարարել է, որ Ֆրանսիան ոչ մի դեպքում ռազմական միջամտություն չի իրականացնի Մադագասկարում։