Microsoft հորդորել է օգտատերերին թարմացնել Windows 11-ը՝ մինչև նոր տարբերակների դադարեցումը

Microsoft-ը կոչ է արել Windows 11 օգտատերերին ստուգել իրենց օպերացիոն համակարգի տարբերակը և անհրաժեշտության դեպքում կատարել թարմացում։ Ինչպես նշում է Bleeping Computer-ը, ընկերությունը նախազգուշացրել է, որ Windows 11 23H2 տարբերակը նոյեմբերից այլևս չի ստանա տեխնիկական սպասարկում և անվտանգության նորացումներ։

Խոսքը վերաբերում է 2023 թվականին թողարկված Home և Pro տարբերակներին, որոնց աջակցությունը կդադարեցվի 2025 թվականի նոյեմբերի 11-ին։ Microsoft-ի մասնագետները խորհուրդ են տալիս օգտատերերին հնարավորինս շուտ անցնել նոր տարբերակի՝ համակարգի անվտանգության համար։

Միևնույն ժամանակ Enterprise, Education և IoT Enterprise տարբերակները կշարունակեն ստանալ թարմացումներ մինչև 2026 թվականի նոյեմբեր։ Ըստ հրապարակման՝ 23H2-ի հաջորդ տարբերակը 24H2-ն է, որը թողարկվել է 2024-ի հոկտեմբերին, սակայն օգտատերերը կարող են անմիջապես անցնել նորագույն 25H2 տարբերակին, որը հասանելի է այս աշնանը։