Մադագասկարի նախագահին տարհանել են երկրից

Մադագասկարի նախագահ Անդրի Ռադզուելինան տարհանվել է երկրից, քանի որ տեղի ունեցող բողոքի ցույցերն ու ռազմական ապստամբությունը սպառնում են տապալել նրա կառավարությունը: Այս մասին հայտնում է RFI-ն։

Նշվում է, որ քաղաքական գործչին երկրից դուրս են բերել ֆրանսիական ռազմական ինքնաթիռով: Տարհանումն իրականացվել է Ֆրանսիայի նախագահ Էմանուել Մակրոնի հետ համաձայնությամբ:

Նախագահը լքել է երկիրը անկարգությունների սկսվելուց հետո, որոնք առաջացել էին ջրի և էլեկտրականության զանգվածային անջատումների հետևանքով, որոնք վերաճել էին համազգային շարժման՝ պահանջելով նախագահի հրաժարականը: