Ուկրաինան թույլատրել է Լեհաստանին իրականացնել Վոլինի ջարդերի զոհերի էքսհումացիա

Ուկրաինայի իշխանությունները թույլատրել են Լեհաստանին սկսել Վոլինի ջարդերի զոհերի մարմինների որոնումն ու էքսհումացիան՝ պատասխանելով Լեհաստանի նախագահի Կարոլ Նավրոցկու պահանջներին։ Այս մասին հայտնել է Ուկրաինայի դեսպանը Վարշավայում՝ Վասիլի Բոդնարը՝ իր Facebook-յան էջում։

«Ես ստորագրեցի նոտա, որով Ուկրաինայի մշակույթի և ռազմավարական հաղորդակցության նախարարության թույլտվությունը փոխանցվեց լեհական կողմին՝ Ռովնեի մարզի Ուգլի գյուղում որոնողական աշխատանքներ սկսելու համար», — գրել է Բոդնարը։

Նավրոցկին դեռ հունիսին, նախագահի պաշտոնը ստանձնելուց հետո, պահանջել էր, որ Կիևը թույլ տա զոհերի էքսհումացիան՝ նշելով, որ Լեհաստան–Ուկրաինա հաշտեցում չի կարող լինել, քանի դեռ չեն բացահայտվել 1943-44 թվականների Վոլինի ջարդերի բոլոր հանգամանքները։ Ավելի վաղ Լեհաստանի պաշտպանության նախարար Վլադիսլավ Կոսինյակ-Կամիշն էլ հայտարարել էր, որ Ուկրաինան չի կարող անդամակցել ԵՄ-ին, մինչև չճանաչի և չբացահայտի այդ ողբերգական իրադարձությունները։