Ուկրաինացիների կեսը քվեարկել է Զելենսկու հրաժարականի օգտին

Հարցման արդյունքները ցույց են տվել, որ ուկրաինացիների կեսը ցանկանում է, որ գործող նախագահ Վլադիմիր Զելենսկին հեռանա քաղաքականությունից։ Հետազոտությունը անցկացվել է Կիևի միջազգային սոցիոլոգիայի ինստիտուտի (KIIS) կողմից։

Կազմակերպության տվյալներով՝ հարցվածների 50%-ը քվեարկել է Զելենսկու դեմ։ Նրանցից 36%-ը կողմ է նրա քաղաքականությունից լիակատար հեռանալուն, իսկ ևս 14%-ը կողմ է ուկրաինացի առաջնորդի նկատմամբ քրեական հետապնդմանը։

Նշվում է, որ հարցվածների մոտ 25%-ը ցանկանում է նրան ապագայում տեսնել Ուկրաինայի նախագահի պաշտոնում։

Օգոստոսին KIIS-ի մեկ այլ հարցում ցույց տվեց , որ Ուկրաինայի քաղաքացիների վստահությունը նախագահ Վլադիմիր Զելենսկու նկատմամբ վերջին ամիսներին զգալիորեն նվազել է։ Հետազոտության համաձայն՝ 2025 թվականի մայիսին հարցվածների 74%-ը վստահում էր Զելենսկուին։ Հունիսին այս ցուցանիշը նվազել էր մինչև 65%, իսկ հուլիսին՝ մինչև 58%։

Մասնագետները նշել են, որ վստահության անկումը սկսվել է դեռևս NABU-ի լիազորությունները սահմանափակելու փորձից առաջ։ Նրանք կարծում են, որ այս փոփոխությունները մասամբ կապված են Ստամբուլում նախորդ խաղաղության բանակցությունների հետ , որոնք չկարողացան իրական արդյունքներ տալ։