Շենգավիթի նախկին թաղապետը որոշել է դուրս գալ ՔՊ կուսակցությունից (տեսանյութ)
ՏեսանյութերՇենգավիթ վարչական շրջանի նախկին ղեկավար Ռազմիկ Մկրտչյանը որոշում է կայացրել դուրս գալ «Քաղաքացիական պայմանագիր» կուսակցությունից։ Այս մասին նա հայտնել է Ֆեյսբուքի իր էջում։
«Ես՝ Ռազմիկ Մկրտչյանս, տեղեկացնում եմ, որ 2025 թվականի հոկտեմբերի 3-ին որոշում եմ կայացրել դուրս գալ «Քաղաքացիական պայմանագիր» կուսակցությունից։
Վերջին ամիսներին առավել քան երբևէ զգացել եմ Շենգավիթի բնակիչների անկեղծ աջակցությունն ու հավատը։
Դա ամենամեծ գնահատականն է, որը կարող է ստանալ յուրաքանչյուր պատասխանատու մարդ։
Հպարտություն է լինել համայնքի մի մաս, որտեղ վստահությունը ձևավորվում է գործով, իսկ միասնությունը՝ փոխադարձ հարգանքով»,– գրել է նա։
Հիշեցնենք, որ Շենգավիթի նախկին թաղապետ Մկրտչյանը հրաժարական է տվել այս տարվա հունիսին։
Նշենք, որ ՔՊ-ի Շենգավիթի տարածքային կառավարման խորհրդի նախագահ Տիգրան Մակարյանին ծեծի ենթարկելու և նրա ազատությունը սահմանափակելու համար մեղադրվող, տնային կալանքի տակ գտնվող Շենգավիթի վարչական նախկին ղեկավար Ռազմիկ Մկրտչյանի խափանման միջոցը, «Հրապարակ»-ի տեղեկություններով, դատարանն այսօր փոխել է`կիրառելով վարչական հսկողություն, համակցված` բացակայելու արգելքով:
ՈՒՂԻՂ ԵԹԵՐ
Ամենադիտված 
Սամվել Կարապետյանը հանդես կգա ճակատագրական հայտարարությամբ. «Ուժեղ Հայաստան» 
