Պերուի մայրաքաղաքի քաղաքապետը հրաժարական է տվել նախագահի պաշտոնում առաջադրվելու համար

Պերուում Լիմայի քաղաքապետ Ռաֆայել Լոպես Ալիագան հայտարարել է իր հրաժարականի մասին՝ երկրի նախագահական ընտրություններին մասնակցելու համար, հաղորդում է Reuters-ը։

Ալիագան առաջինն է, ով պաշտոնապես հայտարարել է երկրի բարձրագույն պաշտոնի համար առաջադրվելու իր մտադրության մասին և նախկինում մասնակցել է նախագահական քարոզարշավներին։ Լա Լիբերտադ շրջանի նահանգապետ, գործարար և միլիոնատեր Սեզար Ակունյան նույնպես հայտարարել է իր մտադրության մասին՝ Ալիագայի հրաժարականից հետո։

Պերուի ընտրական օրենսդրության համաձայն՝ նախագահի պաշտոնում առաջադրվել ցանկացող պաշտոնյաները պարտավոր են հրաժարական տալ քվեարկությունից ոչ ուշ, քան վեց ամիս առաջ։