Ես Նոբելյան մրցանակից կհրաժարվեի․ Լուկաշենկո

Բելառուսի նախագահ Ալեքսանդր Լուկաշենկոն կոչ է արել իր ամերիկացի գործընկեր Դոնալդ Թրամփին ուշադրություն չդարձնել Նոբելյան կոմիտեի՝ իրեն 2025 թվականի Խաղաղության մրցանակը չշնորհելու որոշմանը, հայտնում է BelTA լրատվական գործակալությունը։

«Խորհուրդ եմ տալիս Դոնալդ Թրամփին շատ չտխրել, որ չի արժանացել խաղաղության Նոբելյան մրցանակի», - հայտարարել է Լուկաշենկոն՝ պնդելով, որ եթե ինքը Նոբելյան դափնեկիր դառնար, ապա կհրաժարվեր մրցանակից։ 

Բելառուսի նախագահի խոսքով՝ Խաղաղության մրցանակը կորցրել է իր հեղինակությունը, քանի որ դրա դափնեկիրները հաճախ որևէ կապ չունեն իրական հակամարտությունների լուծման հետ։ Նա որպես օրինակ բերել է քաղաքական գործիչների, որոնք, իր խոսքերով, «ոչինչ չեն արել» խաղաղությունն ամրապնդելու համար, այլ փոխարենը «նպաստել են և մղում են Բելառուսին այսպես կոչված պատերազմի»։

«Ես երբեմն մտածում եմ, որ եթե ձեզանից կամ ինձանից որևէ մեկին առաջարկեին այս մրցանակը, ես անպայման կհրաժարվեի դրանից»,– նշել է նա