Զելենսկին հրավեր է ստացել՝ այցելելու Միացյալ Նահանգներ․ NYP

Ուկրաինայի նախագահ Վոլոդիմիր Զելենսկին Սպիտակ տնից պաշտոնական հրավեր է ստացել՝ այցելելու Միացյալ Նահանգներ, հաղորդում է New York Post-ը՝ հղում անելով Վաշինգտոնում Ուկրաինայի դեսպանատանը։

«Նախագահ Թրամփը Ուկրաինայի նախագահ Վոլոդիմիր Զելենսկուն հրավիրել է Վաշինգտոն՝ այս շաբաթ բանակցություններ վարելու», - նշել է հրատարակությունը։

Առաջիկա հանդիպումը կլինի առաջինը ՄԱԿ-ի Գլխավոր ասամբլեայից հետո։

Ավելի վաղ Զելենսկին հայտարարել էր, որ նախատեսում է հանդիպել ամերիկացի առաջնորդի հետ հոկտեմբերի 17-ին՝ քննարկելու Ուկրաինայի հակաօդային պաշտպանության ամրապնդումը, Tomahawk հրթիռների մատակարարումը և որոշ այլ հարցեր։