Չինաստանի նոր հազվագյուտ մետաղների դեմ միջոցառումները սպառնալիք են եվրոպական արդյունաբերության համար․ FT

Չինաստանի կառավարության կողմից հազվագյուտ մետաղների արտահանման վերահսկողություն սահմանելու որոշումը կարող է լուրջ ազդեցություն ունենալ համաշխարհային տնտեսության հիմնական ոլորտների վրա և անկայունացնել մատակարարման շղթաները, հաղորդում է Financial Times-ը։

Հոդվածի հեղինակները նշել են եվրոպացի արդյունաբերողների շրջանում աճող անհանգստությունը։ Հրատարակության համաձայն՝ եվրոպական ավտոարդյունաբերությունը հատկապես խոցելի է Պեկինի նոր կանոնների նկատմամբ։ Հազվագյուտ մետաղների արտահանման նկատմամբ ավելի խիստ վերահսկողությունը սպառնում է կրճատել կոմպակտ մագնիսներ և մարտկոցներ արտադրելու համար անհրաժեշտ կարևոր քիմիական տարրերի մատակարարումները։

Գերմանիայի ավտոմոբիլային արդյունաբերության ասոցիացիայի ներկայացուցիչները զգուշացրել են, որ Չինաստանի քայլը կարող է երկարաժամկետ հետևանքներ ունենալ Եվրոպայի, մասնավորապես՝ Գերմանիայի համար։