Աֆղանստանում նկատվել է խորհրդային «Էլբրուս» և «Լունա-Մ» հրթիռներով շարասյուն

Աֆղանստանի ճանապարհներին տեսանկարահանվել է բեռնատարների շարասյուն, որոնք տեղափոխում էին խորհրդային արտադրության Ռ-17 բալիստիկ հրթիռներ՝ ներառյալ «Էլբրուս» և «Լունա-Մ» համալիրների բաղադրիչները։ Տեսանյութը հրապարակվել է «Военный Осведомитель» Telegram-ալիքում։

Կադրերում երևում են բեռնատարներ, որոնք շարժվում են քաղաքացիական ճանապարհներով՝ տեղափոխելով 8К14 («Էլբրուս») և 9М21Ф («Լունա-Մ») տեսակի հեղուկ վառելիքով հրթիռներ։ Այս հրթիռները, ինչպես նշում է ալիքը, Աֆղանստանին մատակարարվել էին դեռևս 1980-ականների վերջում, խորհրդային ներկայության տարիներին։

Զարմանալի է, որ այդ համակարգերը մինչ օրս պահպանվել են և, ըստ աղբյուրի, «ներկայացվում են որպես ռազմական հզորության ցուցադրություն»։ ԽՍՀՄ բանակը «Լունա-Մ» համալիրները օգտագործում էր Աֆղանստանի պատերազմի վերջին փուլում․ դրանց կրակային հեռահարությունը կազմում էր 15-70 կիլոմետր։