Մասնագետը նշել է PlayStation 6-ի կանխատեսվող գինը

Հայտնի ինսայդեր Moore’s Law Is Dead-ը հայտնել է, որ նոր սերնդի Sony PlayStation 6 խաղային կոնսոլը կարժենա մոտ 550 ԱՄՆ դոլար, նույնիսկ առանց դիսկի ընթերցիչի։

Ինսայդերի խոսքով՝ այս գինը համապատասխանում է ներկայիս PS5 Digital Edition-ի արժեքին, մինչդեռ դիսկով տարբերակը նույնպես գնահատվում է շուրջ 550 ԱՄՆ դոլար։ Նա նշել է, որ հաշվի առնելով ինֆլյացիան և արտադրական ծախսերի աճը՝ Sony-ի համար մեծ հաջողություն կլինի պահպանել PS6-ի գինը այս մակարդակում, հայտնում է Лента.ру-ն։

Moore’s Law Is Dead-ը հավելել է, որ նոր կոնսոլի արտադրությունը նախատեսվում է սկսել 2027 թվականի երրորդ կամ չորրորդ եռամսյակում, իսկ պաշտոնական թողարկումը սպասվում է նոյեմբերին՝ 2027 թվականին։ Վերջին տեղեկություններով՝ Sony-ն պատրաստվում է աստիճանաբար դադարեցնել PlayStation 4-ի օնլայն ծառայությունների աջակցությունը՝ սկսած 2026 թվականի գարնանից։