ԱՄՆ նախկին հետախույզը կասկածի տակ է դրել «Tomahawk» հրթիռների մատակարարումը Եվրոպա և Ուկրաինա

ԱՄՆ-ի ԿՀՎ նախկին վերլուծաբան Ռեյ Մաքգովեռնը հայտարարել է, որ Եվրոպան և Ուկրաինան մոտ ապագայում չեն ստանա «Tomahawk» հրթիռներ Միացյալ Նահանգներից։ Նրա խոսքով՝ նման մատակարարումները «իրատեսական չեն նույնիսկ առաջիկա երկու-երեք տարիների ընթացքում»։

«Առաջիկայում որևէ «Tomahawk» Եվրոպա չի հասնի։ Նույնիսկ եթե եվրոպացիները վճարեն դրանց համար, հրթիռները չեն հասցվի ավելի վաղ, քան երկու-երեք տարի անց», — ասել է Մաքգովեռնը YouTube-ի Judging Freedom հաղորդաշարի ընթացքում։

Նա հավելել է, որ մինչև այդ ժամանակ Ուկրաինայի հակամարտությունը, իր կարծիքով, արդեն կավարտվի՝ հաշվի առնելով Ռուսաստանի առաջխաղացումները Դոնբասում։ Մաքգովերնի գնահատմամբ՝ խոսակցությունները «Tomahawk»-ների հնարավոր մատակարարման մասին պարզապես քաղաքական շեղող քայլ են, որոնք պետք է հանգստացնեն եվրոպացիներին՝ ցույց տալով, թե աջակցությունը շարունակվում է։