Լարիսա Դոլինան չի բացառում Ռուսաստանի ներկայացումը «Ինտերվիզիոն»-ում

Ռուսաստանի ժողովրդական արտիստուհի Լարիսա Դոլինան հայտարարել է, որ պատրաստ է ներկայացնել Ռուսաստանը միջազգային երգի մրցույթում՝ «Ինտերվիզիոն»-ում։ Այս մասին նա ասել է իր հարցազրույցում «Абзац» կայքին։

«Ինչո՞ւ ոչ։ Ես երբեք չեմ մերժի մասնակցել նման մրցույթի, եթե դա օգտակար լինի երկրի համար», — նշել է Դոլինան՝ ընդգծելով, որ մրցույթն արդեն ապացուցել է իր միջազգային նշանակությունը։

Հիշեցնենք, որ առաջին «Ինտերվիզիոն»-ի եզրափակիչը տեղի է ունեցել սեպտեմբերին՝ Մոսկվայում։ Հաղթող է դարձել Վիետնամից Դիք Ֆուկը, ով իր Phu Dong Thien Vuong երգով ստացել է բյուրեղյա գավաթ և 30 միլիոն ռուբլի մրցանակ։ Ավելի վաղ Դոլինան հայտնել էր, որ իր առաջիկա հոբելյանական համերգից առաջ իրեն լիարժեք կայացած անձնավորություն է զգում։