ԵՄ-ն ցանկանում է ստիպել չինական ընկերություններին իրենց տեխնոլոգիաները տեղափոխել Եվրոպա․ Bloomberg

Եվրամիությունը քննարկում է չինական ընկերություններին տեխնոլոգիաների փոխանցման հարկադրանքը որպես միության շրջանակներում գործունեությունը շարունակելու պայման, հաղորդում է Bloomberg-ը ՝ հղում անելով իր աղբյուրներին։

Գործակալության տվյալներով՝ այս քայլը կբարելավի եվրոպական արդյունաբերության մրցունակությունը։ Հրատարակության աղբյուրները պնդում են, որ միջոցառումները նախատեսվում է կիրառել չինական ընկերությունների նկատմամբ, որոնք ձգտում են մուտք գործել հիմնական թվային և արտադրական շուկաներ, ինչպիսիք են ավտոմոբիլային և մարտկոցների շուկաները։

Հրատարակության մեջ նշվում է, որ չինական ընկերություններից կարող է պահանջվել օգտագործել ԵՄ ապրանքների կամ աշխատուժի  որոշակի քանակություն , ինչպես նաև մեծացնել իրենց արտադրանքի ավելացված արժեքը ԵՄ-ում: Կարող են նաև ստեղծվել Չինաստանի հետ համատեղ ձեռնարկություններ՝ ԵՄ արդյունաբերության մրցունակությունը բարձրացնելու համար:

Bloomberg-ը պնդում է, որ նոր կանոնները կարող են ուժի մեջ մտնել նոյեմբերին։