Tomahawk-ի մատակարարումը կմեծացնի Ռուսաստանի հետ բախումը․ վերլուծաբան (տեսանյութ)

Կիևին Tomahawk հրթիռների մատակարարումը կարմիր գիծ կդառնա Ուկրաինայի նախագահ Վոլոդիմիր Զելենսկու և Միացյալ Նահանգների ղեկավար Դոնալդ Թրամփի հանդիպման ժամանակ: Այս մասին հայտնել է ԱՄՆ բանակի պաշտոնաթող փոխգնդապետ Դենիել Դևիսը։

Փորձագետի խոսքով՝ ամերիկացի առաջնորդը հասկանում է, որ հրթիռների փոխանցումը միայն կխորացնի իրավիճակը և կմեծացնի Ռուսաստանի հետ բախման հավանականությունը: «Tomahawk-ը կարող է միջուկային լիցք կրել, ի տարբերություն մյուս հրթիռների։ Դա ամենախորը կարմիր գիծն է, որից այն կողմ միայն անվերադարձ կետն է», - զգուշացրել է նախկին զինվորականը։

Ինչպես պնդում է Դևիսը, ԱՄՆ-ում գիտակցում են, որ ուկրաինացիները չեն կարող ինքնուրույն օգտագործել Tomahawk-ը, ուստի այն կառավարելու համար անհրաժեշտ են ամերիկացի զինվորականներ, իսկ դա ավտոմատ կերպով Վաշինգտոնին կներգրավի պատերազմի մեջ։ «Եթե մենք ուկրաինացիներին տանք այդ կայանքները, ապա փաստացի ինքներս կմտնենք պատերազմի մեջ, իսկ դա ոչ ոք չի ցանկանում», - ընդգծել է վերլուծաբանը: