Մեծ Բրիտանիան և Կանադան կարող են միանալ ԵՄ-ի՝ ռուսական ակտիվները բռնագրավելու ծրագրին

Մեծ Բրիտանիան և Կանադան կմիանան Եվրամիության (ԵՄ)՝ Ուկրաինային ֆինանսավորելու համար սառեցված ռուսական ակտիվներն օգտագործելու ծրագրին, հաղորդում է Bloomberg-ը՝ հղում անելով աղբյուրներին։

Նշվում է, որ եվրոպական երկրները մոտ են ռուսական ակտիվների առգրավման մեխանիզմի շուրջ փոխզիջման հասնելուն։ Գործակալությունը նշել է, որ Մեծ Բրիտանիան նախկինում սառեցրել է 33 միլիարդ դոլարի ռուսական ակտիվներ։ Սակայն չի մանրամասնել, թե քանի սառեցված ակտիվ կարող է գտնվել Կանադայի իրավասության ներքո։

Սեպտեմբերի 30-ին Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ Ուկրաինայի համար «փոխհատուցման վարկի» մի մասը, որն օգտագործում է Եվրոպայում սառեցված ռուսական ինքնիշխան ակտիվները, կօգտագործվի եվրոպական արտադրողներից զենք գնելու համար։

Հոկտեմբերի 2-ին Գերմանիայի կանցլեր Ֆրիդրիխ Մերցը հայտարարել է, որ երեք շաբաթվա ընթացքում ակնկալում է սառեցված ռուսական ակտիվների վերաբերյալ «կոնկրետ որոշում»։ Նա հայտարարել է, որ եվրոպացի առաջնորդների միջև կա «լայն համաձայնություն Ուկրաինային օգնելու համար ռուսական ակտիվների օգտագործմանը աջակցելու վերաբերյալ»։