Կրեմլը արձագանքել է Թրամփի հայտարարությանը «բոլոր երկրների՝ BRICS-ից դուրս գալու» մասին

Կրեմլը որևէ տեղեկություն չունի BRICS անդամ երկրների՝ խմբից դուրս գալու մտադրության մասին՝ ԱՄՆ-ի կողմից լրացուցիչ մաքսատուրքեր սահմանելու սպառնալիքների պատճառով։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը հերթական ճեպազրույցի ժամանակ։

«Ինչ վերաբերում է այն մտքին, որ բոլոր երկրները դուրս են եկել BRICS-ից, ես նման տեղեկություն չունեմ», - նշել է նա։

Պեսկովը ընդգծել է, որ BRICS-ը և BRICS+-ը երբեք որևէ ծրագիր չեն ունեցել երրորդ երկրների կամ նրանց արժույթների դեմ։ Այս կազմակերպությունները պետությունների միավորումներ են, որոնք կիսում են համագործակցության ընդհանուր տեսլական՝ ի շահ իրենց ժողովուրդների և այն մայրցամաքների բարգավաճման, որոնց վրա նրանք բնակվում են։

«Այս սկզբունքները արտացոլված են ամենաբարձր մակարդակներով անցկացված և ներկայումս անցկացվող բոլոր հանդիպումների եզրափակիչ փաստաթղթերում։ Սա շատ կարևոր է հասկանալ», - հավելել է Կրեմլի խոսնակը։