Պակիստանի և Աֆղանստանի սահմանին կրկին մարտեր են բռնկվել

Պակիստանի բանակը հարձակվել է Աֆղանստանում գտնվող ահաբեկիչների դիրքերի վրա՝ ի պատասխան Խայբեր-Պախտունխվա նահանգի Կուրամ գործակալության պակիստանյան անցակետերի վրա հարձակման, հաղորդում է Tolo News-ը՝ հղում անելով երկրի զինված ուժերին։

«Նանգարհար նահանգի աղբյուրները հաստատել են, որ Աչինի Բանդար շրջանում բախումներ են տեղի ունեցել թալիբների ուժերի և պակիստանցի սահմանապահների միջև», - նշվում է հաղորդագրության մեջ։

Հրապարակման համաձայն՝ բախումները սկսվել են մոտ մեկ ժամ առաջ։ Ականատեսները հայտնել են, որ երկու կողմերն էլ օգտագործել են թեթև և ծանր զենքեր։ Սահմանի մոտ լսվել են կրակոցներ։