Հունգարիան դեմ է արտահայտվել ռուսական էներգակիրների ներմուծման արգելքին

Հունգարիայի արտաքին գործերի նախարար Պետեր Սիյարտոն, ելույթ ունենալով «Ռուսական էներգետիկ շաբաթ» ֆորումի շրջանակներում, հայտարարել է, որ ԵՄ էներգետիկայի նախարարների հանդիպման ժամանակ դեմ կլինի Ռուսաստանից էներգակիրների ներմուծումն արգելելու ծրագրին, հաղորդում է ՌԻԱ Նովոստին։

«Մենք դեմ կլինենք դրան մինչև վերջին պահը։ Երբ երկուշաբթի օրը գումարվի էներգետիկայի նախարարների հանդիպումը, ես հստակ կհայտարարեմ, որ, այսպես կոչված, «դիվերսիֆիկացիան» կնշանակի Հունգարիայի էներգամատակարարման դադարեցում», - ասել է Հունգարիայի արտաքին գործերի նախարարը։