Ռուսաստանում հայտարարել են՝ Զելենսկին սադրանքներ է կիրառում Tomahawk հրթիռներ ստանալու համար

Պետդումայի պատգամավոր Անդրեյ Կոլեսնիկը aif.ru-ին ասել է, որ Ուկրաինայի առաջնորդ Վոլոդիմիր Զելենսկին պետք է սադրի Ռուսաստանին ԱՄՆ կատարելիք այցից առաջ, որտեղ նա կհանդիպի նախագահ Դոնալդ Թրամփի հետ։

«Ես հասկանում եմ, որ նրանք կշարունակեն քննարկել Tomahawk հրթիռների մատակարարման հարցը։ Հետևաբար, մինչ այդ Զելենսկիից կարելի է ամեն ինչ սպասել, այդ թվում՝ սադրանքներ», - ընդգծել է նա։

Պատգամավորի խոսքով՝ Թրամփը կարող է հավատալ Ուկրաինայի առաջնորդի սադրանքներին, և այդ ժամանակ «բոլոր պատրանքները կավարտվեն», քանի որ վերջնականապես կհասկանան, թե «ով ում կողմն է»։