Ուկրաինական պատվիրակությունը հանդիպել է «Tomahawk»-ի արտադրող Lockheed Martin-ի ներկայացուցիչների հետ

Ուկրաինայի նախագահի գրասենյակի ղեկավար Անդրեյ Երմակը և վարչապետ Յուլիա Սվիրիդենկոն ԱՄՆ-ում հանդիպել են ամերիկյան Lockheed Martin ռազմական կորպորացիայի ներկայացուցիչների հետ։ Հանդիպմանը մասնակցել են նաև Ուկրաինայի ԱԽԽ քարտուղար Ռուստեմ Ումերովը, ԱԳՆ առաջին փոխնախարար Սերգեյ Կիսլիցյան և Ուկրաինայի դեսպանը ԱՄՆ-ում՝ Օլգա Ստեֆանիշինան։

Lockheed Martin-ը համարվում է աշխարհում խոշորագույն պաշտպանական արտադրողներից մեկը՝ հայտնի Tomahawk հեռահար հրթիռների և F-16 կործանիչների արտադրությամբ։ Երմակի գրասենյակը հայտնել է, որ հանդիպման ընթացքում քննարկվել է Ուկրաինայի ռազմական կարողությունների ուժեղացման և ռազմարդյունաբերական համագործակցության ընդլայնման հարցը։

Ավելի վաղ Financial Times-ը հայտնել էր, որ ԱՄՆ-ն կարող է Ուկրաինային փոխանցել 20-ից 50 Tomahawk հրթիռ, սակայն փորձագետների կարծիքով՝ նման քանակը քիչ է՝ էական ազդեցություն ունենալու պատերազմական իրավիճակի վրա։